Umsögn
Ég fell alltaf kylliflöt fyrir spennandi nýjungum; sér í lagi hrífst ég af nýjum tæknilausnum sem virka og leysa vandamál og verkefni á algjörlega nýjan hátt. Þannig heillaðist ég af ryksuguróbótinum Roombu sem varð á fyrsta degi ómissandi samstarfsaðili í heimilisþrifum heima hjá mér og við biðum spenntar eftir skúringaróbóti til að fullkomna gólfþrifin. Þær systur iRobot Roomba og Scooba eru elskaðir heimilismeðlimir og þessar græjur eru einfaldlega að virka langt umfram mínar björtustu vonir.
Þær systur annast algjörlega sjálfvirka gólfhreinsun þannig að öll gólf eru skínandi hrein og rykmagn í andrúmsloftinu er margfalt minna. Sá bónus hefur komið sér frábærlega því nú dugar að þurrka af margfalt sjaldnar en áður. Við getum ekki lifað án þeirra og hlökkum mikið til að fá líka slátturóbótinn í fjölskylduna til að sjá um garðsláttinn :)
Sjálfvirk gólfþrif er einfaldlega mesta bylting í heimilishaldi síðan sjálfvirku þvottavélarnar komu til sögunnar. Til hvers að þvo á bretti ef sjálfvirk þvottavél er í boði og til hvers að liggja í gólfunum og skólpa með gólftuskunni eða handryksuga með tilheyrandi bakverjum ef tæknin getur leyst málið á fullkominn hátt?
Margrét Pála Ólafsdóttir
Hjallastefnan
8656310 -
Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
